ધીરજ ઠાકોર. વડોદરા
- ગીત-સંગીતની સાથે પરીક્ષા-પ્રવેશ અંગેની જાણકારી મળશે
- યૂથ ફેસ્ટિવલના કાર્યક્રમ રેડિયોથી પ્રસારિત કરશે
હેલો..બરોડિયન.. આપ સાંભળો છો... સયાજી એફ.એમ... એમ.એસ. યુનિ.માં ઓકટોબરથી સેમેસ્ટરની પરીક્ષાનો પ્રારંભ થશે.. તમારી બેઠક વ્યવસ્થા અને હોલ ટિકિટ મેળવી લો.. જેવી વિવિધ જાહેરાતો હવે શહેરી જનો અને યુવાનો પોતાના મોબાઇલ ફોન પર સયાજી એફ.એમ નામની એપ્લિકેશનના માધ્યમથી સયાજી એફ.એમ નામનો જ ઓનલાઇન રેડિયો સાંભળી શકશે. માત્ર ગીત-સંગીત જ નહીં પરંતુ ઓનલાઇન રેડિયોના માધ્યમથી પરીક્ષાનો કાર્યક્રમ, એડમિશન, ફેકલ્ટી દ્વારા વખતોવખત કરાતી જાહેરાત સહિત યુનિવર્સિટી દ્વારા યોજાતા યૂથ ફેસ્ટિવલના કાર્યક્રમની પળપળની વિગતો માણી શકશો.
મ.સ. યુનિ.ની સાયન્સ ફેકલ્ટીના એમ.એસસી પેટ્રોલિયમ જિયોલોજીની ડિગ્રી મેળવનાર 26 વર્ષીય યોગેશ જાંગીડે અભ્યાસ દરમિયાન સાયન્સ ફેકલ્ટીનો પહેલો એફ.એમ રેડિયો બનાવ્યો હતો. આ રેડિયો પર સાયન્સ ફેકલ્ટીના વિદ્યાર્થીઓને પરીક્ષા તથા ફેકલ્ટી તરફથી કરાતી જાહેરાતો પ્રસારિત કરાતી હતી. ત્રણ વર્ષ સુધી રેડિયો ચલાવ્યા બાદ હવે યોગેશે સમગ્ર યુનિવર્સિટીના વિદ્યાર્થીઓને તેમની વિવિધ ફેકલ્ટીઓની માહિતી આપવા તથા યુનિ.ની અવનવી જાહેરાતો વિદ્યાર્થીઓ સુધી પહોંચાડવા સયાજી એફ.એમ નામનો ઓનલાઇન રેડિયો બનાવ્યો છે. વિવિધ ફેકલ્ટીની માહિતી ઉપરાંત યોગેશે જાંગીડે પ્રથમ વખત જ યુનિ.નાં વિદ્યાર્થીઓ ઉપરાંત શહેરનાં યુવાનો પણ ગીત-સંગીતની મજા માણી શકે તેવી વ્યવસ્થા કરી છે.
યુનિ.નું ગૌરવ જાળવી મનોરંજન પીરસાશે:
યુનિ.નું ગૌરવ જાળવી મનોરંજન પીરસાશે:
યુનિ.ની વિવિધ ફેકલ્ટીઓમાં ભણતાં 38 હજાર વિદ્યાર્થીઓને શૈક્ષણિક અભ્યાસની સાથે મનગમતાં ગીતો સાંભળવાનો મોકો આપવા ‘સયાજી એફ.એમ’ની શરૂઆત કરી છે. ગીત-સંગીત દ્વારા વિદ્યાર્થીઓનો તણાવ દૂર કરવાનો આશય છે. આ ઉપરાંત ઓનલાઇન રેડિયોમાં વિદ્યાર્થીઓ 24 કલાક પોતાના સમયે ગીતો સાંભળી શકશે. આ ઉપરાંત અન્ય યુનિ.ના શૈક્ષણિક અભ્યાસને લગતી માહિતી પણ સાંભળી શકશે. વિદ્યાર્થીઓ વચ્ચે આર.જે હન્ટની સ્પર્ધા યોજીને નવા આર.જે.ની શોધ કરાશે. તમામ બાબતો યુનિ.નું ગૌરવ જાળવીને કરાશે.
જુલાઈ 13, 2015 (સોમવાર); દિવ્ય ભાસ્કર, વડોદરા
No comments:
Post a Comment